NHAGUENTI, TI VIZINHA DJA SUBI PREÇO PASTÉL?

É ka novidadi ma produtos, principalmente kês ki ta flado di primero necessidadi, aumenta di manera loku. Uns ta fla me consequência di guerra Rússia Vs Ucrânia, otus ta fla me jogada di poderosos pa enforca inda maz pobre e kês ki tem menos poder di compra.

VERDADI é ki oras ki nu ba cumpra, tanto mi como bô, dja nu odja, dja nu xinti, ma oh ki nu abri cartera pa paga compras ta duenu e alvês nem saco ka ta intxi (ahaha)... N´ta ri maz é ka di graça, e també kenha kê di classe média_baixa, ki rendimento é curto, dja sta "custumado"ku ês ato terrorista.

Arroz caro, óleo e azeite avé maria caro, pón caro, farinha caro, carne caro, águ caro, gás caro, pora tudu kusa sta caro... Goci pergunta é KUSÊ KI KA STA CARO?

Querendo ou não, si nu djobi, nôs nu tem ki kumi nu tem ki bebi, ntom mesmo caro nu ten ki perta cinto. E sem burgonha, sim pamodi tem uns inda ki tem strilio, pega bu móvel, abri calculadora i anda na supermercado assi: tudu ki nu panha nu ba ta soma.

Na meio di tudo kês brambram di subida di preço, nu sabi ma tem kês ki tem ses pikeno negócio e la ki n´lembra di D.Isaura (nome fictício). Um senhora Kabuverdiana, ki ta sta na bendi pastel na staçon di comboio (pa preserva es mudjer nka podi fla undi é ta ganha-pon).

...Tchiga 1 dia ki perguntal...

- D.Isaura, tudu kusa dja ka subi, nha sa ta ganha ku bendi pastel na 50 cêntimos?

...É flan si...

- Djan pensa subi, maz alves alguem ka ta krê, i pa nka perdi freguês nta dexa cima sta.

Passado uns 2 semanas, n´bai kumpra pastel, e kanto é dam troko, odja ma pastel dja subi. Antis era 0,50€ e goci sta 0,70€, ou seja, subida di vinti cêntimos.

Na Kel momento, odja ma D.Isaura dja muda kusas pamodi si sacrifiícios també ké ta fazi ka ta compensaba dexa kusas na mesma, sabendo me sa ta perdi.

Kuazi na mesmo maré bai um jovem kumpra pastél. Dento sol forte, staba dento di 16h. Moz fazi um escândalo cima ki mudjer é culpada di guerra, culpada di azar dos outros, etc...

Kelotu dia, nbai papia ku D.Isaura, pan sabi mo kê sta e benda mo sa bai. É flan ma alguns ta ceta paga novo preço pastel maz otus ka ta ruspeta trabadju dos outros. N´flal me pa poi koragi ma alguem di energia mau tem pa tudu parti mundo, so pe ka disanima.

Kel kusa li dexan ta pensa na munti comportamentos di pessoas. Pamodi es MUDJER, em particular, ten ki sta vizigola na rusga di polícia pa ka tomal si produtos, é tem ki trisnota alves pe fazi si kusas di bendi, e mesmo sendo vitima, cima mi ku bo, di subida absurdo di preços, nunca é dexa di sta di segunda a sexta feira ta djobi manera di tem 1 poku maz pael i si familia.

AGO, NTA DESAFIAU

Abo bu ta bai Lefties, Primark, H&M, Nike e otus lojas cumpra roupas e sapatos ka si mé?...

Preço é kel ki sta la. Bu ka ta pidi fiado, bu ka ta fla pa baxau preço.

Bu ta bai McDonald´s, KFC, e Pizzaria bu ta atcha preço la bu ta paga e nhemi sem quexa ka si mé?

Ntom PAMODI CRIOULO ki bu ta atcha otu Crioulo/a ta tenta fazi si vida bu ta kre trankal na pé? É ka mereci po paga pa o ke sa bendi sima oh ki bu ta camba na otus grandes lojas?

RUSPETA.

NU TRATA DRETU, RUSPETA TRABADJU e SACRIFICIO DOS OUTROS. NU CONSCIENCIALIZA. E se bu ka kre cumpra ka bu cumpra, mas dizimola ko bai cança alguém si cabeça.

BU ta paga 50€ pa CIROC é barato, 200€ pa ténis é barato, mas 70cêntimos pa pastél é caro?

TUDU É OPÇÃO, E PONTOS DI VISTAS KA SI MÉ?. NTOM NU VALORIZA SUOR DOS OUTROS sem troça do kê ta fazi.