MUDJER...MUDJER...AH MUDJER...

"N´cria nha minino dento nha pobreza… kanto es bira grandi ami n´ bira ka nada

N´ta tchoma ka ta kudi

N´ta pidi ka ta dam

N´ta manda ka ta bai

Nhaguenti fidju d´ hoji

É pari desaforro

Pa cria caridadi

Na caso di Kassábi

Ki ntem valor di Mae

Na caso di Kassábi

É mi ke Mae é mi ke pai"

KATUTA BRANKA

INDA FALTA

Maz caminho igualdade era maz cumprido di ki goci

Goci n´podi sta kenta barriga na fogon, sim

N´ podi sta bombu nha minino

Enkuanto n´sa ta da otu bóita

Maz goci n´podi dexa bento fresco frescan cabelo

...

Inda n´sa ta madruga

Pan ba panha areia ilegal,

Poi banhera na cabeça

Alves Ku pexi, Alves ku frutas

Otu dia tabulero drops e bolacha

N´ta manxi nta carrega esperança e fé

Ma n´ta leba comida pa casa

Sem ser spantado ou até bafatiado pa policia

FALTA TCHEU

Inda mi é padaz d carne pa munti odju d´omi

Djan Ama djan rapendi i kanto n´torna cunfia

Bem otu Omi fazi nha vida um avenida di agonia

...

Inda n´teni medo liga pa denuncia violaçon i assédio

Nha minino pikinoti nkre pe konxi mundo cima tudu mundo

Omi ka ta ceta ser otu aêl é matxón, mondón

ma mi é podi fazen ser outra?

FALTA TCHEU

Mas hoji n´ta bisti cima n´ krê

N´ ta anda ku nha pé

Nta conduzi ka pan compiti k´Omi

Mas pés odja ma també si nu dadu xanci nu podi fazi kel kes ta fazi

Isaura foi farol mas nu kre maz, maz ti undi for bom pa noz també

...

Hoji n´teni nomi na Rap

Na Kizomba, Funaná, i otus stilo

Hoji kre djan da Mudjer

Ntem nha casa, nha dinhero

Hoji mi é deputada, empresária, dona nha nariz

Ma nsa xinti ma inda falta um política ki ka ta frontanu

Omis, ka so pa exibi kátchu, ma pa djudanu luta pa nu vivi midjor

FORTI GANA PES DJOBEN DI PÉ SAI CABEÇA SEM LIMITA NHA CAPACIDADI I PRINCIPALMENTI PES RUSPETAN...DIACHI TAMBÉ