AUTÁRQUICAS 2020: SÃO SALVADOR DO MUNDO

ÂNGELO VAZ OU JOÃO ALBERTO. KENHA KI COMUNICA MIDJOR?

Nês pequeno análise/opinion n poi alguns elementos ki ta puxa pa lado di comunicaçon/atuaçon di Ângelo Vaz e João Alberto na alguns fases di “ frente a frente”.

Antis di mas nkre fla ma Ka foi um super debate. Passado tevi maz destaki ki ideias pa próximos 4 anos. João Alberto papia di Escola Secundária, Barragem di Faveta, Luz, di kanto era vereador e Ângelo Vaz ta difendi ku episódios di “Brasil”, bu ta lembra?. Um hora parci ma n´sa obiba Watará e Shevchenko na discuti Porto i Benfica e n´xinti falta dum rosto independente.É nês ponto Picos perdi vizon di futuro i n´ta gostaba di obiba maz clareza na ideias já ki candidatos kre lidera destino di 8.631 alguen (INE2017).

---

LEMA

Ângelo Vaz (MPD) foi objetivo e é explica claro pamodi kê kre continua ta governa Município. É ta difendi ma Picos hoje teni otu autoestima graças a um projeto sério ki começa na 2016, ano kê fla me atcha um zona pobri na tudo setor. É fla inda me krê continua ta esforça e dedica pa povo ser feliz na proximos anos. ARGUMENTO?

João Alberto (PAICV) me teni experiência, vontade e disponibilidadi. E é ta fla me kre liderança di um Câmara ki atualmente torna um “quintal di família”. Candidato mostra desde cedo ma si estratégia é réplicas, keli era si momento, momento di si ego só ki é fala menos del i di “Pronto pa sirbi Picos”, e é xkeci fazi campanha pael e mostra povo pamodi ki tem ki vota nel. OBJETIVIDADI?

PORTUGUÊS OU CRIOULO?

Candidato di MPD papia maz em Português e oposiçon bai maz na terra terra. Ali nkrê destaca palavras e expressons caras usados e repetidus pa Ângelo Vaz (maniatado, é de bradar aos céus, elencar, falacioso, debitar, estagnaçaõ) ki ta mostra sim conhecimento mas ki podi ka djuda na compreenson di mensagi pa parte de diferentes eleitores. PALAVRAS SIMPLES MIDJOR COMUNICAÇON?

TRATAMENTO

João Alberto dirigi kuazi sempri a Ângelo Vaz como SENHOR PRESIDENTE e é txomado maz di SEU CANDIDATO. Na prática é o certo i debi existe ruspeto sim(nês caso foi dimaz), maz ambiçon é la di riba pa kenha ki krê volta governa pamodi num final de champions disputa é taco taco. Ês frase é exemplo ma Ângelo Vaz apruveta, e bem, dês situaçon; “Ainda bem que me chama de Presidente e vou continuar a ser”. AMBIÇÃO/IRONIA?

PERGUNTAS e RESPOSTAS

Nês fase nkrê distaca bom plano di João Alberto. Bom resposta dento di kêl ki foi si imagem di marca i postura na debate. “Anhô ki tem responsabilidadi como Presidente nem 1% nhu ka poi pa guentis di Covid-19. Mi n´apoia mas ao contrário di nhô nka publica”. Interessante foi confronta Ângelo Vaz ku paradeiro di milhares di conto e obras di Casa di Cultura e Cachoeira. Pergunta “polémico” maz verbas e política aês é inseparável. Ntom era um pergunta ki merecia mas atençon e um resposta firm, detalhado i objetivo di Presidente. Li era di difendi di acusaçons di falta di liderança i gestão kê foi alvo. É bai fala di Covid-19 ki foi si pergunta kê fazi pa oposiçon. N´percebi queston sobre Covid-19, devido a momento ki nu sta, kenha ki ganha ta tem dificuldadis em dobro. Mas já ki Candidato di MPD apresenta dados ma Picos passa mal ku antigo governo ki João Alberto fazi parte desde 2005, é podia fazeba ês pergunta: “ Modi ki nhu sta pronto pa presidente si na 11anos como vereador nhu contribui pa dexa Picos ku 250mil contos di dívida, um município 86% encravado i maz pobre na 2016? COERÊNCIA?

SENSIBILIZAÇÃO

Doz nota engraçado. Primero: João Alberto na últimos frases di debate é fla “DJUNTU nu ta sirbi Picos midjor” pamodi ki sublinha palavra? Pamodi isso leban pa lema di Ângelo Vaz Segundo: Ângelo Vaz fla “emigrantes podi trazi carro dexa na porta ses casa”. É importante? Talvez. Emigrantes ta djuda sim, mas mi n´xinti falta di kel voz di sperança pa reforça ligaçon ku agricultores ke papia del durante discurso i kês guentis di localidadis kê fla ma “hoji é fácil bai”.

BOA SORTE PA CANDIDATOS y KI SEJA PA PICOS NÃO PA PODER.